Aktivitetsnivået på D18 Sykkelveg Kronstadtunnelen er som vanleg høgt og overleveringsfristen nærmar seg. Framover er det ikkje planlagt noko nattarbeid. Dette fører til at arbeidsdagane vil føregå innanfor arbeidstida 07-19. Dersom situasjonen vert endra for nokre arbeid vil dette bli varsla per sms i god tid før oppstart.
Asfalt i tunnel
Første lag med asfalt har kome i Kronstadtunnelen og neste lag er planlagt i starten av februar. Her skal det leggast lys asfalt for å bidra til ei tryggare oppleving ved ferdsel gjennom tunnelen. Dette vert tilsvarande som i Fyllingsdalstunnelen.
Arbeid med brua over Møllendalselva
Brua over Møllendalselva vert oppgradert og noko utvida for å fungere som sykkelveg med trygt rekkverk. Det vert òg lagt ny infrastruktur som vatn, elektro og tele/fiber i grunnen.
Arbeid ved portal
Anleggsgartnarane murar opp natursteinsmur på begge sider av gangvegportalen. På baksida av natursteinsmuren held grunnentreprenør på med å tilføre massar inn mot eksisterande skråning. Framfor portalen er det arbeid med tilstøytande infrastruktur som vatn, elektro og tele/fiber i grøft som skal koplast til kum.
Arbeid i Møllendalsbakken og Fløen
Møllendalsbakken er i stor grad ferdig planert, og nede langs sporet på Fløen føregår det rensking av skråning i tillegg til sikringsarbeid, samt arbeid med vatnkum under brua. I vegbanen held ein på med utviding av vegen for å gjere plass til fortau på begge sider.
Dersom de har spørsmål kan de ta kontakt per e-post eller nytte kontaktskjema i vedlagt link:
E-post: tilbakemelding.d18@veidekke.no
Kontaktskjema: https://bybanen.veidekke.no/d18-sykkeltunnel-kronstad/kontakt-oss/
Helsing nabokontakt i Veidekke
